(UTV| කොළඹ) – ශ්රි ලංකා මානව හිමිකම් කොමිසම විසින් වැඩ බලන පොලිස්පතිවරයා වෙත ලිපියක් යොමුකර තිබේ.
ඒ පසුගියදා වයඹ පළාතේ ස්ථාන කිහිපක ඇති වු නොසන්සුන්කාරී වාතාවරණය සමනය කිරීමට මේ දක්වාත් සුදුසු ක්රියාමාර්ග ගෙන නොමැති බව දැනුම් දෙමිනි.
ශ්රි ලංකා මානව හිමිකම් කොමිසමේ සභාපතිනි ආචාර්ය දීපිකා උඩුගම මහත්මියගේ අත්සනින් යුතුව වැඩ බලන පොලිස්පති සී.ඩී. වික්රමරත්න මහතා වෙත යොමු කළ ලිපියක මේ බව සඳහන් කර තිබේ.
මෙම ගැටුම් ඇති වු ප්රදේශවල ශ්රි ලංකා මානව හිමිකම් කොමිසමේ නිලධාරීන් පිරිසක් සංචාරයක නිරතවී එම ප්රදේශ වල තත්ත්වය නිරීක්ෂණය කර ඇත.
එහිදී ඔවුන්, ගම්වැසියන්, ප්රජානායකයින්, පොලීසිය මෙන්ම යුද හමුදාවේ සාමාජිකයින් ද මුණගැසී සාකච්ඡා කර හෙළිවූ කරුණු මත මෙම ලිපිය යොමු කිරීමට අදහස් කර ඇත.
මෙහිදී හෙළිව ඇත්තේ එදින ප්රහාර එල්ල වීමට පැය කිහිපයකට පෙර පොලිස් සහ යුධ හමුදා හදිසි ඇමතුම් අංක වෙත දුරකථන ඇමතුම් ලබා දී ඇති බවත් ඊට ආරක්ෂක අංශ නිසි ක්රියාමාර්ග ගෙන නොමැති බවද සඳහන් කර තිබේ.
එම ලිපිය මඟින් ශ්රි ලංකා මානව හිමිකම් කොමිසම වැඩබලන පොලිස්පතිවරයාගෙන් ඉල්ලා ඇත්තේ වයඹ පළාතේ ඇති වු සිද්ධින් සම්බන්ධයෙන් දැඩි අවධානයක් යොමු කර කටයුතු කරන ලෙසයි.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්රීය කරගන්න.[textmarker color=”8a6d3b”] UTV alerts සක්රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
