(UTV| කොළඹ) -මීළඟ ජනාධිපතිවරණය පැවැත්වීමේ බලතල සැප්තැම්බර් 15 වැනිදා සිට ජාතික මැතිවරණ කොමිසමට හිමි වන බව එහි සභාපති මහින්ද දේශප්රිය මහතා පවසයි .
ඔහු මේ බව පැවසුවේ ඉදිරි මැතිවරණය සම්බධයෙන් ඊයේ පැවති සාකච්ඡා අවසන් වීමෙන් පසු මාධ්ය වෙත අදහස් දක්වමිනි.
ඉදිරි ජනාධිපතිවරණයට තරග කිරීමට සූදානම් බව පිළිගත් දේශපාලන පක්ෂ 17ක් මේ වන විට ලිඛිතව සහ දුරකථන මාර්ගයෙන් මැතිවරණ කොමිසම දැනුවත් කර ඇති බව සභාපතිවරයා පවසයි.
මේ අතර නැගෙනහිර පළාත් හිටපු ආණ්ඩුකාර එම්.එල්.ඒ.එම්. හිස්බුල්ලා මහතා ස්වාධීන අපේක්ෂකයෙකු ලෙස ජනාධිපතිවරණයට තරග කිරීමට සූදානම් වන බව වාර්තා වේ.
මෙවර ජනාධිපතිවරණය සඳහා භාවිත කෙරෙන්නේ 2018 වසරේ ඡන්ද හිමි නාම ලේඛනය බවද මහින්ද දේශප්රිය මාධ්ය වෙත අදහස් දක්වමින් පැවසීය.
