ඉන්දියාවෙන් ආනයනය කරන සියලුම බිත්තර පාරිභෝගික ජනතාව වෙත ලබා දීමට පියවර ගෙන ඇති බව රාජ්ය වාණිජ විවිධ නීතිගත සංස්ථාව අවධාරණය කරයි.
එහි සභාපති ආසිරි වලිසුන්දර මහතා සඳහන් කරන්නේ, දෛනිකව බිත්තර මිලියනයක් ආනයනය කරන බවය.
කෙසේනමුත් බේකරි සහ කර්මාන්ත සඳහා එම බිත්තර ලබාදීමට හැකියාවක් නොමැති බව ඔහු අවධාරණය කරයි.
දෛනිකව ලංකා සතොස හරහා බිත්තර මිලියනයක් බෙදාහැරීමේ කටයුතු ද සිදුකරන බව ඒ මහතා සඳහන් කරයි.
ඒ අනුව ලබන සතිය වන විට සියලුම සුපිරි වෙළෙඳසල් සඳහා ඇසුරුම් කරන ලද බිත්තර බෙදාහැරීම සඳහා විශේෂ වැඩපිළිවෙළක් සකස් කර ඇති බව ද ආසිරි වලිසුන්දර මහතා පවසයි.
සුපිරි වෙළෙඳසල්වල විකිණීමට ඇති ඇසුරුම් කරන ලද බිත්තරයක මිල රුපියල් 42ක් වන බව ද ඔහු ප්රකාශ කරයි.
