බැඳුම්කර වංචාවට අදාළව චෝදනා ලැබූ මහ බැංකුවේ නිලධාරීන් කිහිපදෙනෙකුගේ වැඩ තහනම් කර ඇතැයි මහ බැංකු අධිපති ආචාර්ය නන්දලාල් වීරසිංහ මහතා ප්රකාශ කරයි.
මහ බැංකුවේ අභ්යන්තර පරීක්ෂණයකින් ගත් තීරණ ගැන තමා සඳහන් කිරීම සුදුසු නොවන බව ද, මහ බැංකු අධිපතිවරයා ප්රකාශ කළේය. බැඳුම්කර වංචාව සම්බන්ධයෙන් චෝදනා එල්ල වී ඇති මහ බැංකුවේ නිලධාරීන් සම්බන්ධයෙන් සිදුකරන මහ බැංකුවේ අභ්යන්තර පරීක්ෂණ ගැන මාධ්ය කළ විමසුමකට පිළිතුරු ලබාදෙමින් මහ බැංකු අධිපතිවරයා එම කරුණු අනාවරණය කළේය.
නීතිපතිවරයාගේ උපදෙස් අනුව මහ බැංකු බැඳුම්කර වංචාව ගැන චෝදනා එල්ලවී ඇති මහ බැංකු නිලධාරීන් පිළිබඳ අභ්යන්තර පරීක්ෂණ අඛණ්ඩව සිදුකරන බවද මහ බැංකු අධිපති ආචාර්ය නන්දලාල් වීරසිංහ මහතා කීවේය.
